أسامة كمال : الاخوان و أثيوبيا نفسهم الطيران المصري يضرب سد النهضة

 

 

قال الاعلامي أسامة كمال فى الحلقة الحادية والعشرين من برنامجه مع أسامة كمال  والمذاع عبر اليوتيوب , 

عزيزي المواطن المصري اللي مستني خبر ان الطيران المصري طلعت وضربت سد النهضة، عارف

مين تاني نفسه دة يحصل؟ الاخوان.. وعارف مين كمان؟ أثيوبيا.. نعم؟ أيوة.. ,

 

وأضاف كمال أثيوبيا عمالة تستفزك وتطلع في تصريحات عسكرية وصور كاريكاتير مهينة لمصر ويقول

لك اضربني.. اضربني.. فتشني فتش.. عجبني كلام استاذ حسن زعفان مدير تحرير مجلة اكتوبر اللي

سأل لماذا تستعجل اثيوبيا وتستفز مصر

 

وأضاف  الاعلامي أسامةكمال  عايز أنا أقول لكم، صبراً ومهلاً وثقة، مع اننا ممكن نعمل زي ما بولندا

عملت في جمهورية التشيك حسب فيديو على سكاي نيوز عربية، دخلت بالجيش واحتلتهم وبعدين

قالت، إيه دة؟ سوري ما كانش قصدي.. 

 

 

و قال ك الاعلامي أسامة كمال  مش معنى كلامي اننا ننسى، لأ، كورونا وسد النهضة وليبيا والقضاية الاقتصادية أهم حاجات بنواجهها وهنواجهها.. اللهو بتاع عودة الدوري ولأ مش هلعب واحنا بنواجه أردوغان فمافيش كورة والكلام دة، أنا شايفه لعب على مشاعر الناس ما يصحش نمشي فيه.

 

يقدم برنامج مع أسامة كمال  الحد والأربعاء من كل أسبوع عبر اليوتيوب وصفحته الشخصية  عبر مواقع التواصل الاجتماعي فيس بوك وتويتر الساعة الواحدة ظهرا  , 

يستضيف كمال بعض من المعنيين بعدد من القضايا  ويعد برنامج  مع أسامة كمال حديث من القلب أكثر منه برنامج، يفرز بين التهويل والتهوين.. يقدم الأفكار العالمية والمحلية لتضع المشاهد والمتابع في إطار صورة واقعية ,