التكنولوجيا وأخبارها بوابة مصر لأخبار تكنولوجيا المعلومات والإتصالات وفي أفريقيا كما تعتبر مصدر رئيسي للمعلومات حول تكنولوجيا المعلومات والاتصالات والفرص الاستثمارية المرتبطة بالاقتصاد الرقمي في المنطقة بالكامل
حذر الاعلامي أسامة كمال عبر برنامج ” مع أسامة كمال ط مما ذكره البعض بشأن انتهاء فيروس كورونا خلال هذا الشهر قائلا فاكرين
الدراسة اللي اتكلمنا عنها الحلقة اللي فاتت بتاعة كورونا هتخلص آخر الشهر واللي حذرت من
التفاؤل اللي ممكن يسبب كارثة باستهتار الناس؟ جامعة مينيسوتا قالت كورونا ممكن يستمر
18 شهر أو 24 شهر، يعني سنتين مش شهر ولا شهرين
مضيفا يعني الحياة تقف سنتين؟ لأ طبعاً، الحياة لازم ترجع، لكن بشكل تاني خالص،
ودة أنا بقوله من أول حلقة والنهاردة احنا في الحلقة التامنة.. يعني اصحاب الحضانات
هيعملوا إجراءات شكلها ايه ومين هيعمل عليهم رقابة؟
وأضاف كمال الكافيهات المقفولة من شهرين واللي بدأت التجديدات هتعمل إجراءات
شكلها ايه ومين هيعمل عليهم رقابة؟ طيب اللي هيعمل الرقابة هيبقى بيعمل سبوبة من ورا
الموضوع، يعني اتاوة ع الناس والنتيجة ولا اجراءات ولا دياولو.. ماهي عادتنا وللا هنشتريها؟
واستطرد أسامة حديثه قائلا زى ما ترامب فضح الأمريكان بموضوع حقن الناس بالمطهرات،
نائب برلماني سابق اسمه محمود أبوالليل طلع بفيديو ويقول ان حل كورونا عنده
وبيطالب الدكاترة ومنظمة الصحة العالمية انهم يستخدموه
عجلة الزمن اللي عمرها ما بترجع، ما تتوقعوش انها ترجع.. مش هنرجع لأوضاع 2019،
ان شاء الله الدنيا تتحسن بس مش هترجع زي ما كانت
وقال كمال احنا محتاجين نبقى جد، النهاردة بقت أهم.. عشان الدنيا تدور ولو شوية لازم نتعامل بشكل تاني لما الدنيا ان شاء الله تفتح
العالم بعد كورونا مختلف ومش هو نفس العالم اللي كنا عايشين فيها شهر فبراير اللي فات على الاقل في مصر.. احنا كلنا متلخبطين ما بين كل التضاربات اللي بتحصل والكل بقى مش مصدق حد..
جديرا بالذكر أن برنامج مع أسامة كمال يذاع عبر اليوتيوب الأحد والأربعاء خلال شهر رمضان الساعة الثانية عشرة ظهرا
