أسامة كمال للمستشفيات الخاصة كل واحد يحط فى عينه حصوة ملح

قدم الاعلامي أسامة كمال  اليوم الأحد 7 يونيو الحلقة الثامنة عشر من برنامجه ” مع أسامة كمال

والذى يقدم عبر صفحته الشخصية  على موقع التواصل الاجتماعي  ” يوتيوب ” , 

حيث تناول كمال خلال الحلقة عددا من الموضوعات المهمة على  الساحة المصرية أو الساحة

العالمية  , منها رفض المسشتفيات الخاصة لقرارت وزارة الصحة الخاصة بتسعيرة علاج  مصابي

فيروس كورونا  , بالاضافة إلى التدخل السافر من قبل أردوغان فى ليبيا  , 

وبدأ كمال حلقته بالحديث عن مافعلته المسشتفيات الخاصة قائلا احنا-في-ظروف-استثنائية.. يعني

ظروف مش عادية، يعني اللي يمشي في الأيام العادية ما يمشيش الأيام دية

وأضاف كمال كل واحد يحط في عينه حصوة ملح ويتعامل على أساس إنها مش أيام عادية.. يعني إيه؟

 

يعنى لو في الظروف العادية ممكن تمشي موظف من شركتك، النهاردة ماينفعش، يعني لو في الأيام

العادية بتدي شغلك نص نص، النهاردة ما ينفعش.. يعني لو بتحاول تكسب قرشين زيادة على حساب

الناس، النهاردة ما ينفعش.

 

وقص كمال مشكلة أحد أصدقائه وكيف تعامل مع أزمة الجشع  لدى من يتعاملون مع القطاع الخاص

بالمجال الصحي  قائلا بعت شخص لمركز أشعة معين يعمل أشعة مقطعية ع الصدر، دفع 900 جنيه،

رقم مبالغ فيه جداً، بس ماشي، مضطرين بعدها بـ 3 أيام بعت حد تاني وفي ايده 900 جنيه لنفس

المركز، نفس الفرع يعمل نفس الحاجة، مانفعش، لأن السعر بقى 1400 جنيه أه والله 50% زيادة مرة

واحدة في 3 أيام. يعني إيه؟

 

وأضاف كمال :ميزان الحرارة الديجيتال كان بيتباع في كل حتة بسعر 400 جنيه، وصل 600، يعني برضه

50% زيادة وفجأة بقى بـ 4 الاف جنيه يعني 10 أضعاف السعر، يعني ايه؟ يعني انت جشع،

يعني انت بتستغل الناس، يعني انت ماعندكش البتاع الأحمر اللي عندنا في العروق، ولو اتعورت

هتخر ورق بنكنوت.. أبلغ في مين؟ مافيش تسعيرة، أقول اسمك؟ انت مين؟ معمل التحاليل؟

الصيدلية؟ المستورد؟ تاجر الجملة.. يا عزيزي كلنا مستغلون..

 

وأشار كمال مباشرة إلى المسشتفيات الخاصة قائلا :خناقة دايرة بين وزارة الصحة والمستشفيات

الخاصة عشان التسعيرة اللي حطتها الوزارة للمستشفيات.. فاكرين التسعيرة دي اللي انتوا كتبتوا

انها غالية؟

المستشفيات رفضتها واللي بيمثل المستشفيات حاجة اسمها غرفة مقدمى خدمات الرعاية الصحية في اتحاد الصناعات ومش عارف ليه هي في اتحاد الصناعات اصلاً.

المهم الغرفة دي بتقول ان مالهاش في موضوع التسعير دة ولو اجتمعت قانون حماية المنافسة

يقاضيها، والأعضاء كانوا عايزين يجتمعوا بس رجعوا في كلامهم عشان جهاز حماية المنافسة بيمنعهم

من دة..

طب مش دي ظروف استثنائية؟ هل معقول الجهاز التابع لوزارة التجارة مش عارف ينسق مع وزارة

الصحة لمصلحة المواطن؟

وأشار كمال إلى ماقاله د. علاء عبدالمجيد رئيس الغرفة عن مطالبه للدولة بتدبير تدبر احتياجات

المستشفيات ومستلزمات الوقاية بأسعار مقبولة وتحط معايير للمستشفيات اللي بتعالج الكورونا.

وقال كمال طب مانشوف الدنيا عملت ايه في الموضوع دة ونتعلم بدل كلام د. خالد سمير عضو مجلس

إدارة الغرفة اللي قال أن المستشفيات اتفقت انها ما تقدمش الخدمة اللي مش بيكسبوا منها.

 

وتحدث كمال عن تجربة أسبانيا ضاربا بها احد المثلة بأنها قامت بتأميم   المستشفيات الخاصة في

مارس لما لقت انها مش هتقدر تواجه الأزمة لوحدها ووزارة الصحة الإسبانية أعلنت أنها هتحط كل المستشفيات الخاصة تحت سيطرة الدولة

وضرب مثلا أخر عن بريطانياوقال  قررت انها تأجر 8 الاف سرير من المستشفيات الخاصة لعلاج مصابي

كورونا وحددت سعر 300 جنيه استرليني.. يعني السرير في انجلترا بـ 7 الاف جنيه

وضرب مثلا بـ الهند؟ قائلا أن الحكومة  الهندية حددت اسعار ملزمة للعلاج في المستشفيات الخاصة

لمصابين كورونا وغير كورونا الزمت المستشفيات باسعار محددة للعمليات الجراحية وعلاج الامراض

التانية نظرًا لانهم لاحظوا ان المستشفيات الخاصة استغلت أزمة كورونا في رفع أسعار العمليات مع

الناس اللي مش مؤمن عليهم

وأشار إلى الصين التى حولت مستشفياتها الخاصة لاستقبال مرضى كورونا فى ووهان ووصل العدد لـ 634 مستشفى خاص في انحاء الصين