التكنولوجيا وأخبارها بوابة مصر لأخبار تكنولوجيا المعلومات والإتصالات وفي أفريقيا كما تعتبر مصدر رئيسي للمعلومات حول تكنولوجيا المعلومات والاتصالات والفرص الاستثمارية المرتبطة بالاقتصاد الرقمي في المنطقة بالكامل
قدم الاعلامي اسامة كمال حلقة جديدة اليوم من برنامجه ” مع أسامة كمال والذى يعرض عبر
اليويتوب وصفحته الشخصية على موقع التواصل الاجتماعي فيس بوك الأحد والأربعاء من كل أسبوع
,
وتناول كمال فى حلقة اليوم ثورة 30 يونيو والتى حلت ذكراها السابعة أمس الثلاثاء , يوم 30 يونيو
رمز، لكن اليوم الحقيقي كان 3 يوليو اللي خرج فيه الرئيس السيسي اللي كان وقتها يعلن القرارات
اللي اثلجت صدر المصريين وكانوا على أطراف صوابعهم مستنيينها في الشوارع والميادين،
وبالبنسبة لي في استوديو القاهرة والناس , كنت كل ليلة على الهوا من قبل اليوم دة بكتير،
وكل القوى السياسية وغير السياسية كانوا ضيوفي في الفترة دي.. 7 أو 8 ساعات كل ليلة واقامة
جبرية داخل الفندق الملاصق لمدينة الانتاج الاعلامي على حسابي الشخصي طول النهار متابعات
للعالم كله وطول المساء لغاية قرب الفجر على الهواء
وأضاف كمال 30 يونية يوم رمزي وفاكر مصطفى الجندي وهو معايا يوم 28/6 وبيقول على الهوا وهو
بيبكي يوم 30 جه يوم 28 يا أسامة، لأن المصريين ماقدروش يستنوا اليوم وانطلقوا في الشوارع
والميادين قبلها بيومين..
وأضاف كمال كنت قلقان لأن الناس اللي في الميادين ماهماش ولا محترفين سياسة ولا محترفين
شوارع وكتير منهم كبار السن مش بس شباب وقدرتهم على الصمود في الميادين والشوارع قليلة..
مناشدات كتير اتعملت للرئيس الأسبق مرسي ولجماعة الاخوان انهم يستمعوا لصوت العقل ولكن بلا
جدوى.
وأضاف كمال قبل 30 يونية بيومين سافرت عملت لقاء خاطف مع الفريق شفيق في نفس اليوم اللي
كان د. مرسي بيقول فيه خطابه اللي اتكلم فيه عن مش عارف مين اللي في الشرقية ومين في
المنصورة.. بعد انتهاء الخطاب الساعة 2 الفجر بتوقيت ابو ظبي بدأنا التسجيل لحد الساعة 5 صباحا
ورجعت مصر في نفس اليوم ,
واستكمل كمال حديثه قائلا : كان لافت للانتباه جداَ الرئيس السيسي وهو وقتها بيبصله البصة
الشهيرة اللي ناس كتير كانت مش فاهماها، واللي عرفنا بعدها ان جماعة الاخوان خرقت كل اتفاق
مع الجيش لحقن الدماء..
و خرج محمد مرسي في خطابه الأخير يهدد ويرعد ويزبد وبيقلب مصر لسوريا اخرى.. كنت في غاية
الغضب على الهواء وأنا بسمع رئيس مصري مش فارق معاه البلد ولا الناس وقرر يهدم البلد على
رؤوسنا كلنا
:ثم اتعملت قوائم الاغتيالات لسياسيين واعلاميين وقادة ومش محتاج افكركم باللي مرينا بيه أيامها،
ومافيش ادعاءات بطولة من حد، لأن ماحدش كان له فضل بعد ربنا سبحانه وتعالى الا للشعب ثم
الجيش بكل رجاله.. افتكروا الوجوه الصعبة اللي كانت مالية برامجنا لو كانت لسة بتحكمنا..
وأشار كمال إلى انه قد مر 7 أعوام على ثورة 30 يونيو لكن من كترة الأحداث عاملين زي ما يكونوا 70 سنة..
