كمال واصفا مؤيدي أردوغان :اللي يربي ديب في بيته ما يلومش الا نفسه لما ياكل دراعه

 

قدم الاعلامي أسامة كمال حلقة جديدة من برنامجه ” مع أسامة كمال والذى يعرضه عبر اليوتيوب  ,

حيث بدأ كمال حلقته واصفا أردوغان بالديب  حيث قدم قصة عن ديب ليوصف من يريدون أن يحتل

أردوغان أوطانهم قائلا يحكى أن أعرابية لقت ديب لسة مولود، فحنت عليه وخدته ربته وكانت بتأكله

من حليب شاة عندها .. فبقت الشاة كأنها أم الذئب بعد فترة كبر الديب، وفي يوم رجعت الأعرابية بيتها

فلقت الديب هجم على الشاة وأكلها ,  وأضا كمال اللي يربي ديب في بيته ما يلومش الا نفسه لما

ياكل دراعه.. فيه قصص كتير شبه دي عند العرب وعند الغرب , 

 

وقال  كمال قصة الديب فكرني بيها صديقي الصعيدي الجدع وهو بيقول لي ازاي الناس اتجننت وواثقة

في الواد سيد الإردوغان – ولو شفتم الحلقة اللي فاتت دة اسمه الجديد – ازاي والعثمانيين بهدلوا

بلادنا 400 سنة وأكتر؟

 

وأشار كمال إلى أن  التاريخ مليان قصص من النوع دة والناس للأسف مش الجاهلة هي اللي

مخدوعة، لأ، الناس اللي خسارة اللي اتصرف على تعليمها ولسة مغيبة.. الناس دي فاكرة إن لما

الواد سيد الإردوغان , لما وزير خارجيته يقول انهم هينقبوا عن النفط والغاز على سواحل ليبيا، يبقى

مش جاي ينهب حقوق بلد، حتى لو والي عكا في فيلم صلاح الدين اللي هو السراج فتح له الباب

والأمم المتحدة تقول انه هو اللي ليه الحق.

 

وأضاف كمال بس عشان ما تتصدموش يا مؤيدي السلطان تركيا بتواجه تحديات كبيرة، حكومة الوفاق

مالهاش دعم شعبي في سرت والجفرة وغالبية أهالي المدينتين رافضين دخول الميليشيات

والمرتزقة.

 

وقد تناول الاعلامي أسامة كمال خلال هذه الحلقة مايدور فى ليبيا وتفويض البرلمان الليبي للجيش المصري بالتدخل وماتفعله أثيوبيا من ارهاصات حول سد النهضة