we

أحمد أمين عن تصويره لاعلان اتصالات : ماينفعش أنا أقول للناس خليكم في البيت وانزل أنا أصور

كشف  الفنان الشاب أحمد أمين  عبر صفحته على موقع التواصل الاجتماعي فيس بوك  عن كواليس تجربته فى آخر اعلان ترويجي لحملة اتصالات مصر ” شغال من البيت  ”  والتى انطلقت منذ أيام  بأنها تجربة لن ينساها  قائلا تجربة الإعلان ده حاجة لازم تتحكي..

و أضاف أمين الظروف اللي احنا عايشينها بتبين معادن ناس فعلا وبتطلع ابداعات.. أنا مش هاشكرهم على إنهم وافقو يصورو في بيتي لاني طلبت منهم ان ماينفعش أنا أقول للناس خليكم في البيت وانزل أنا أصور.. بالتالي تم التصوير في بيتي واللي متابع فيديوهاتي هايعرف كده بسهولة.. مش هاشكرهم على الفكرة الصايعة اللي خليتنا شكلنا شيك وبنصور في مكان واحد.. ومش هاشكرهم إن عدد الناس اللي في التصوير كان تلات بني آدمين بس لدرجة إن العميل شخصيا كان بيشوف الشوتات بالمراسلة.. ودي ثقة وشياكة عظيمة.. و طبعا مش هاشكرهم على التعقيم اللي كان قبل وبعد التصوير.. انا هاشكرهم بجد لأنهم سابولي الكتكوت ده في نهاية اليوم وطلع صاحب صاحبه جدا..
و قد أنهى أحمد أمين كلامه معلقا    شكرا لكل اللي اشتغل في الاعلان من بيته وورا الكاميرا.. تجربة لن أنساها..
واختتم أحمد أمين كلامه بدعابة قائلا هذا ويتعهد فريق العمل بأنه لم يتأذى أي كتكوت اثناء تصوير المشاهد

شاهد أيضاً

الندوة العالمية لمنظمي الاتصالات

المملكة تستضيف الندوة العالمية لمنظمي الاتصالات 2025 في الرياض لتعزيز التعاون الدولي في قطاع الاتصالات

يأتي اختيار المملكة ممثلة بهيئة الاتصالات والفضاء والتقنية لاستضافة الندوة العالمية لمنظمي الاتصالات Global Symposium …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *