we

أسامة كمال عبر برنامجه على الانترنت : شم النسيم بروفة للحكومة

تحدث الاعلامي  أسامة كمال عبر برنامجه  مع أسامة كمال  والذي يقدمه عبر الانترنت برعاية أورنج مصر ,

وبدأ حلقته قائلا كل سنة والدنيا طيبة، أسبوع ويبدأ رمضان وأفراح المسلمين ويومين وتبدأ أعياد المسيحيين وكمان كام يوم شم النسيم.. بس السنة دي الدنيا مختلفة زي ماحنا عارفين..

 

وقال كمال الحكومة بتحاول تقفل الشواطئ والجناين وهتقفل المواصلات العامة وبعض الطرق يوم شم النسيم. فيه حالة طبطبة مالهاش لازمة لأن ماحدش هيشتغل يومها فالحكومة ممكن الناس من النزول من بيتها

وأضاف الحكومة بتقول مانقدرش نمنع الناس انها تروح بيوتها في الساحل أو السخنة طالما مش هيطلعوا ع الشواطئ.. رأيي، تقدر.. ولازم ع الأقل تعمل بروفة لنفسها لو اضطرت تعمل اجراء صارم بعدين.

واستكمل كمال  الاسبوع اللي فات كان فيه مطالبات في بريطانيا باقالة وزير اسمه Robert Jenrick لأنه ركب عربيته وراح بيته التاني على بعد 250 كيلو وادعى ان دة بيته الأصلي والتليجراف كذبته وقالت ان بيته جوة لندن.. الوزير مضغوط عليه عشان يستقيل

الناس عمالة تشير فيديوهات وصور الغلابة في العتبة وتقول الناس دي هتموتنا وناس امبارح مالية كارفور وناس رايحة الساحل والسخنة..

مش بدعي إني اكتر انسانية من حد بس نخللي بالنا واحنا بنتكلم وبنعلق، ناس بتقول نعمل حظر كامل من غير ما تبص الحظر الكامل ممكن يعمل ايه في ناس عايشة اليوم بيومه ولو قعدت النهاردة بكرة هيبقى مافيش مليم في البيت..
وأضاف كمال صديق ليا نزل بعربيته عشان زهقان يصور الناس الزحمة في كل مكان وبينتقدهم، طب ايه اللي نزلك؟ زهقان؟ طب والمضطر أحسن العيال تجوع هيعملوا ايه؟ قال رايح الموسكي يشتري فانوس بلاستيك بجنيه في الظروف دي؟ بس ربنا أدرى بعباده..

شاهد أيضاً

السحابة

نمو كبير في تبني استراتيجيات السحابة الهجينة والمتعددة عالميًا: تقرير 2024

أوضح التقرير، الذي أصدرته شركة فورتينت -المتخصصة في مجال حلول الأمن السيبراني الواسعة والمتكاملة- أن …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *