الرئيسية / إقتصاد / كمال : الـ25% هتتحسب في السينما أو المسرح،لكن في المطعم أو الكافيه،حسبتها ازاي؟

كمال : الـ25% هتتحسب في السينما أو المسرح،لكن في المطعم أو الكافيه،حسبتها ازاي؟

قدم الاعلامي أسامة كمال حلقة جديدة من برنامجه ” مع أسامة كمال ” والذى يقدم عبر صفحته الشخصية على فيس بوك وعبر اليوتيوب  , 

وقد تناول الاعلامي أسمة كمال خلال الحلقة عدد من المواضيع التى تتحدث عن مصر ومايحدث حولها

من أحداث ساخنة تشهدها المنطقة , 

 

وقد بدأ كمال الحلقة  بآخر قرارات قد صدرت من رئيس الوزراء دكتور مصطفى مدبولي وبداية عودة

الحياة إلى طبيعتها  , 

قائلا : الناس مبسوطة بالقرارات الجديدة بتخفيف الحظر وبفتح الكافيهات والسينمات من السبت

 

الجاي حتى لو كان السماح بتواجد 25% بس واستمرار غلق الحدائق والشواطئ العامة وبالمناسبة الكلام عن الشواطئ العامة مش الخاصة.

 

وأضاف كمال :يعني الناس اللي في الكومباوندات الساحلية وشواطئهم خاصة هيقدروا يبلبطوا في

المية واللي ماعندوش ما يلزموش من الآخر كدة يعني.. يقدروا يبلبطوا بمسافات أو بمساحات أو

بتلاصق أو بتباعد، ماحدش قال، لكن اصحاب الكومباوندات سألوا مجلس الوزرا اللي قال لهم أيوة

افتحوا..

طبعاً مش لازم تكون مالك وحدة من أم كام مليون، لكن ممكن تروح تأجرلك فيللا وللا شاليه بكام الف جنيه في اليوم.. لو كان عندي فيللا وللا شاليه في الساحل كنت هعزمكم كلكم معايا، بس للأسف ماعنديش وزيي زيك عزيزي المواطن مش هبلبط

 

أما عن نسبة عودة الحياة إلى طبيعتها بعودة 25% من الكافيهات والمطاعم والمسارح والسينمات

فتساءل كمال :

:ممكن أفهم ازاي الـ 25% هتتحسب في السينما أو المسرح، لكن في المطعم أو الكافيه، حسبتها

ازاي؟ ماعرفش.. لما تدخل كافيه من دول هتعرف منين انهم ناس كويسة وماشيين بالقانون أو ممشيينها زي كل الحاجات اللي عندنا بالهوبا أو لأ.. برضه ماعرفش.

وأضاف كمال الجوامع والكنايس هتفتح من السبت بس مافيش صلاة جمعة ولا قداس أحد يعني أعداد

محدودة دمختار جمعة وزير الأوقاف الصلوات الخمسة مرحلة أولى مع عدم فتح دورات المياه وعدم

فتح دور المناسبات وعدم السماح بصلاة الجنازة أو أى مناسبة اجتماعية وعدم فتح الأضرحة وعدم فتح

مصلي السيدات ,فى حالة عدم التزام المصلين بالضوابط يتم غلق المسجد فورًا وعدم فتحه الا بعد

زوال فيروس كورونا..

وتحدث كمال أن قداسة البابا تواضروس من المقرر أن يترأس اجتماع لجنة للمجمع المقدس خلال

يومين لتنظيم إجراءات عودة الصلاة للكنايس اللي هتبدأ في المحافظات الأقل تضررا وبأعداد قليلة

وبإجراءات مشددة وستقتصر على صلوات القداس الإلهى وستتبع نفس الإجراءات التى ستتم فى

كنائس المهجر.

 

وأضاف كمال أن سعيد رغم انى متخوف ؟ المطاعم والكافيهات وغيرهم اللي أصحابهم شالوا حمل

تقيل الفترة اللي فاتت هيعوضوا جزء من الخساير، والناس اللي بتشتغل فيهم ممكن يبتدي يجيلهم

دخل كان اتقطع أو أوشك على الانقطاع ودول هيشتغلوا لحد الساعة 10 بس ,

وطالب كمال أصحاب الكافيهات والمطاعم بضرورة الحفاظ على أكل عيشهم قائلا رجائي ليهم، حافظوا

على أكل عيشكم بعدم المخالفة، حافظوا على صحة الناس عشان اكل عيشكم، ماتخلوش الناس

تخالف وتلزق في بعض عشان اكل عيشكم.. لو الزبون اتضايق ومشي، مع السلامة، لكن حافظوا

على أكل عيشكم.

 

مضيفا أن ماحدش نفسه الحكومة ترجع في كلامها ولا نفسه ان الاعداد تزيد ونقول يا ريت اللي جرى ما كان.. تاني بقول ويا رب كلامي يوصل للناس، حافظوا على أكل عيشكم..

وطالب كمال الكنائس والمساجد بالمحافظة والالتزام بالقرارات قائلا “أما المصلين في المساجد

والكنائس فبقول للأئمة والقسس حافظوا على بيوت الله مفتوحة بالالتزام الكامل، مش عايزين بيت

من بيوت الله يتقفل تاني اضطراراً، الناس تلتزم بس أولي الأمر يكونوا صارمين..

 

وأضاف كمال قرار قفل دورات المياه في المساجد بيشمل الميضات؟ لو واحد قال للإمام يا مولانا أنا

مش متوضي؟ هيقول له تيمم؟ أشك.. طب الحل ايه.. خللينا نبقى متوقعين من اسلوبنا في التعامل

مع المساجد هيحصل ايه.

التباعد في الصلاة الناس اللي شايفة ان الشيطان بيعدي بين الصفوف الإمام هيرد يقول لهم ايه؟

هل الامام نفسه مقتنع بالتباعد وللا برضه شايف ان لو صوابع رجلي مش لازقة في صوابع رجل اللي

جنبي الشيطان هيعدي؟ مين هيراقب الامام والتزامه والمصلين والتزامهم..

 

 

 

 

 

 

 

cairo ict

شاهد أيضاً

صالح : تطبيق “هارمونيكا” المصري أطلقه 4 رواد أعمال

قال سامح صالح، المدير التنفيذى لشركة هارمونيكا  خلال الجلسة السابعة من سلسلة الجلسات النقاشية التى …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *