كمال : الاختيار خلق حالة تفوقت على حالتنا فى رأفت الهجان وجمعة الشوان

قدم الاعلامي أسامة كمال الحلقة الرابعة عشر من برنامجه ” مع أسامة كمال ” والذي يقدمه من

خلال صفحته الشخصية عبر اليوتيوب  , خلال عيد الفطر المبارك ,

والذى بدأ الحلقة بتهنئة الشعب المصري بحلول عيد الفطر المبارك , وأضاف الحلقة دي محيرة،

أولاً الناس بقى لها في الحظر كتير والكل تعب , ناس هربت ع الساحل والسخنة وناس راحت للأهل

في البلد عشان تبعد عن جو الخنقة..

وناس تالتة مسلسلات رمضان أرهقتها نفسياً وأيام العيد على التليفزيون كلها نجوم المسلسلات، فالناس هيبقى عندها اكتفاء اكتر 

 

وتحدث كمال عن مسلسل الاختيار الذى كان يعرض فى رمضان عن ملحمة البرث , قائلا رجالة وستات

وأطفال، وبعيداً عن البعد الدرامي والاخراجي وكله، مسلسل الاختيار خلق حالة تفوقت على حالتنا

ايام رأفت الهجان وجمعة الشوان،

وأضاف كمال مسلسل الاختيار ، الحقايق اللي فيه ما كملتش سنتين فلسة حاضرة في أذهان

الناس.. مسلسل أحمد المنسي  هو بطله، لكن المسلسل قد حكى قصته وقصة أبطال تانيين في

نفس المعركة وفي معارك تانية..

واستكمل كمال حديثه عن الاختيار قائلا : الناس كانت عارفة انها هتوصل للحظة استشهاد المنسي

واستنوها وهم بيتوقعوا صدمة نفسهم من اللي هم عارفينه، فلما جت لحظة الشهادة ليه ولأبطال

تانيين شبراوي والدسوقي ودبابة ومش هعرض الأسامي عشان ما يحصلش نفس اللي حصل لي

في 2016,

وأضكنا مع كل عملية ضد رجالنا قلوبنا بتتخلع ومن جوانا كنا لازم نتماسك، لكن ما كناش في كل مرة

بنقدر لأننا بشر ولأننا مصريين , 

واستطرد كمال الحديث قائلا المسلسل شوفتوه وتابعتوا الحلقة 28 بكل ما فيها من ألم وبكل ما فيها

من فخر، ثم الحلقة 29 وظهور السقا كمحقق مع الارهابي هشام عشماوي ومشهد الاعدام وبعدين

الشهادات الحقيقية المسجلة..

وأكد كمال ان السجال استمر على السوشيال ميديا في كل لحظة وفي كل حلقة، في العادي دة في صالح أي عمل درامي أو فني، لكن بلا شك شوفنا سلبيات كتير ما كانش المفروض القوات المسلحة تتعرض ليها في ظرف زي دة..

حالة الاحتقان في القنوات اياها من المسلسل كانت هي كمان بتتصاعد ومعاها مواقعهم وتغريداتهم وفيس بوكهم وكله.. عجبني حد شاطر أوي عمل تجميعة على يوتيوب لكلامهم اللي كشف حالتهم النفسية اللي وصلت للقاع بسبب  مسلسل الاختيار ,

وأضاف كمال :  العالم اتكلم عن الحالة اللي وصل ليها المصريين بسبب المسلسل وتاني مش بقول رأي درامي أو فني، لكن برصد حالة ناس كتير رصدتها

 

 

وأضاف كمال  أن جريدة الشرق الأوسط السعودية كان عنوانها حمّى معركة المنسي الأخيرة تجتاح

مواقع التواصل في مصر وقالت عدد كبير من الفنانين والمسؤولين والمشاهدين المصريين احتفوا

بالحلقة 28 من مسلسل الاختيار

 

وقدم كمال الشكر لمن أخذ  قرار بعدم اذاعة اعلانات لأنه قرار صائب وفي محله، رغم ان الناس خدت جرعة مكثفة تقيلة عليهم.