كمال : متضامن مع المنظومة الطبية فى الحصول على حقوقهم بعيدا عن قناة الجزيرة

تحدث الاعلامي أسامة كمال فى برنامجه ” مع أسامة كمال ” عن بطولات قام بها العاملون بالمنظمة

الطبية من أطباء وتمريض ومسعفين وخدمات مساعدة  وذكر أن هناك قصص لهم سوف يذكرها التاريخ

بعد ان تنتهى ازمة فيروس كورونا  ,

 وذكر كمال بعض الأسماء منهم د. فكري عزيز ود. كارم أبو المجد ود. أحمد دراز ود. محمود الهنداوي

ود. ممدوح أحمد ود. هشام الساكت ود. أشرف عدلي ود. أحمد اللواح ود. أحمد النني ود. وليد يحيى

عبد الحليم القائمة طويلة بأسماء الابطال من الاطباء والعاملين في المجال الصحي على حد قوله ,

وأضاف كمال قائمة الشرف طويلة ومش بس للأطباء، لكن للمرضين والمسعفين والخدمات المساعدة،

ربنا يرحمهم ويشفي المصابين ويقوي اللي شغالين

وقال كمال :  تعالوا بقى نقول شوية كلام ممكن يزعل بعض الناس، تكليف الأطباء موضوع ماينفعش

يتقال عنه ان الاف الأطباء بترفضه، لأنه في لحظة ممكن يتحول لتجنيد الأطباء بدل تكليف الأطباء

وأضاف متهيألي التوب الأبيض أو البالطو الأبيض لازم يفضل ناصع البياض مافيهوش شوائب سببها

الخوف أو القلق.. المنظومة تتظبط وتمشي زي الساعة.. ما فيش لا وقت ولا مجال..

 

وأضاف كمال أضم صوتى لهاشتاج متضامن مع أطباء مصر وبضم صوتي ليه، أنا أسامة كمال متضامن مع أطباء مصر وممرضين وممرضات مصر وكل العاملين في المنظومة الطبية والصحية..

 

وأضاف كمال حمايتكم حق لينا قبل ما يكون حق ليكم، وجهدكم واجب عليكم وتتشالوا ع الراس، لكن مافيش شك اللي بيستقيل ع الهوا في قناة الجزيرة كل اللي فات دة ماينطبقش عليه.. ظهرت النوايا بالنسبة لكم.. غير كدة، خلص الكلام..

 

وأشار كمال إلى أن الكلام مش بس بيخرج من النقابة لكن كمان فيه صفحات زي صفحة صوت أطباء

مصر والاتهامات لكل الناس، مش بس الدولة ولا الوزارة لكن حتى بعض الاعلاميين.. 

 

وأضاف كمال قناة الجزيرة مش  عايزين مصلحتك، ولا تصدق إن أي فلان بيدور لك على مصلحة، فكر

في نفسك بنفسك، ايه اللي هيحقق لك الصالح اللي ما ينفصلش عن صالح الناس كلها والبلد كلها..

 

 

وذكر كمال ماكتبه  دكتور . عمرو الحسيني الذى قال عبر صفحة الفيس بوك  انه كجراح لم يتوقف عن

العمل مع اتخاذ التدابير الوقائية البسيطة وبيرجو زملاءه من الأطباء بعدم المن على الناس بأداء

عملهم، ومن لا يستطيع تحمل المخاطرة فليتوقف عن العمل والجلوس في المنزل..

كلام مهم، لكن برضه المناظرات مش وقتها وفي نفس الوقت أكيد عناوين الجزيرة والحرة بسبب تصرفات البعض بتستفز مشاعر الناس ومنهم الأطباء..

وتحدث كمال عن الاشاعات  قائلا انها شغالة الله ينور ومنها اشاعة ان كل الطاقم الطبي في

مستشفى الدمرداش وعددهم 45 جالهم كورونا أن قسم الصدر اتقفل ، فطلع د. محمود المتيني

رئيس جامعة عين شمس ونفى الكلام دة على موقع القاهرة 24 وقال المستشفي شغالة بكامل

طاقتها،