الرئيسية / إنترنت / كمال اللقاح الموعود للكورونا محور حرب جيوسياسية كبرى بين أمريكا والصين

كمال اللقاح الموعود للكورونا محور حرب جيوسياسية كبرى بين أمريكا والصين

تناول الإعلامي أسامة كمال خلال حلقته العشرين من برنامج ” مع أسامة كمال ” والمقدم عبر قناة

اليوتيوب الخاصة به وعبر صفحته الشخصية  , آخر مستجدات فيروس كورونا محليا وعالميا , 

حيث  قال كمال يوماً ما كورونا هتخلص، هتحصد أرواح وبتحصد أرواح، بس هتخلص، بس هيفضل ايه

بعد ما تخلص؟ أمراض نفسية، أمراض اجتماعية، حالة وحاجة تخوف.. استهترنا؟ أيوة.. تقاعسنا؟ أيوة،

تراجعنا؟ أيوة، أكلنا في بعضنا؟ أيوة، لسة هناكل في بعضنا؟ أيوة.

 

وأضاف كمال :الرحمة اختفت والمسؤلين أنا اسف مش على المستوى في التعامل مع الموضوع,

محتاجين تعرفوا ليه؟ وللا كلنا عارفين؟ لحد النهاردة التباعد الاجتماعي مافيش والتقارب الاجتماعي زي الفل والاحضان والقبلاات شغالة والناس بتموت,

 

وتحدث كمال عن سائق عمره 38 سنة انتحر جوة شقته في بشتيل بعد إصابته بكورونا من 10 أيام

وعزل نفسه في بيته 3 أيام وحالته ماتحسنتش رغم الأدوية فاتصل بأخوه بعد 8 أيام من العزل وطلب

يروح أى مستشفى خاص للعلاج، فأخوه مقدرش عشان الحالة المادية، فشنق نفسه بحبل في

ماسورة غاز

 

وقص أيضا كمال  قصة أخر ى وقال النيابة طلبت من مدير الإدارة العامة للطب الوقائى في أوسيم

ينقل الجثة لمستشفى أوسيم فرفض مدير الإدارة بحجة إن الحالة مش مسجّلة في وزارة الصحة

وبالتالي مالوش علاقة بالجثة، فتولى المأمور ورئيس المباحث نقل الجثة للمستشفى العام في

أكياس سوداء على مسؤليتهم الشخصية..

 

مدير إدارة الطب الوقائي في أوسيم اللي رفض نقل الجثمان هنعمل معاه ايه؟ حالة الاحتقان اللي

بيعيشها الناس مع زيادة عدد الإصابات والوفاة الناس مخها طار وبيعتدوا على الأطباء، مثلاً أهل متوفى

بكورونا اعتدوا على طبيب في مستشفى القناطر وأتلفوا أجهزة طبية

 

. مابقولش اللي اتصابوا مهملين ولا باقول الأطقم الطبية مقصرين، ولا بقول الامكانيات ماعرفش ايه،

لكن بقول كورونا هتسيب لنا جراح صعب نخف منها..

 

وتحدث كمال عن اللقاح قائلا الخبراء بيقولوا أن تغلّب البشرية على فيروس كورونا لا يمكن يتحقق إلا

بنظم صحية قوية، وقدرات كافية لإجراء اختبارات ولقاح فعّال وآمن لكل سكان العالم..

 

وأشار كمال إلى ان هناك 120 عملية بحث عن لقاح في شركات ومؤسسات مختلفة، لكن بلا تعاون

ولا جهد ترعاه جهة خصوصا أن منظمة الصحة العالمية اللي يفترض أنها المظلة بقت محلّ خلاف بعدما

سحب ترامب ايده منها واتهمها بأنها دمية في يد الصين.

وقال كمال الفيروس ينتشر في العالم، يقل في مكان ويعلى في مكان، لكن  يقتل في البشر ويضرب

اقتصادهم، واللقاح الموعود بأصبح محور حرب جيوسياسية كبرى بين امريكا والصين. والسباق دخلت

فيه دول أوروبية وآسيوية عايزة حتة من الكيكة

 

وأضا كمال لو وجدنا اللقاح  سنجد نقص الزجاجات  كـ أزمة والشركات تحاول حجز كميات كبيرة وشركة ألماني لا تريد ة تبيع مليار زجاجة  قبل التأكد من انتهاء التجارب وقالت هنكون جاهزين فى الوقت المناسب.. شركة Schott AG الألمانية أكبر منتج للزجاج المتخصص في العالم رفضت طلبات حجز من شركات الأدوية

 

وأما عن منظمة الصحة العالمية فقال كمال  محدش يزعل عاملة زي المكرونة الاسباجتي مالهاش ماسكة البداية يوم 24 /!  كام / 2020 لما أعلنت أنه من المبكر جدا اعتبار فيروس كورونا المستجد

الذي ظهر في الصين وبدأ بالانتشار ف العالم “حالة طوارئ صحية عامة ع نطاق دولي ولا دليل حتى

اليوم ع انتقال العدوى

 

وأنهى كمال حديثه قائلا المرة الجاية اكلمكم لو تحبوا عن تضارب تصريحات منظمة الصحة العالمية عشان ولا أزهقكم ولا ازهقهم ومانيش واخد موقف منهم ومش ماشي مع كلام الأمريكان، لكن اسلوب المنظمة اللي مليان تعالي ما ينفعش الحقيقة والمثل بيقول: لا تعايرني ولا اعايرك، الهم طايلني وطايلك

 

 

 

 

 

شاهد أيضاً

خبراء كاسبرسكي يوصوا باتباع تدابير الحماية من هجمات DDoS

كاسبرسكي تعلن إطلاق البرنامج الخامس للابتكار المفتوح لعام2021

أعلن مركز كاسبرسكي للابتكار iHub عن إطلاق البرنامج الخامس للابتكار المفتوح، وسوف يُفتح باب القبول …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *