التكنولوجيا وأخبارها بوابة مصر لأخبار تكنولوجيا المعلومات والإتصالات
أسامة كمال :
خايف من الهجوم على رجال الأعمال لأن دة بيدق اسفين في المجتمع،
كلمة هنقولها لازم تكون في ميزان من ذهب قبل ما نتكلم
ظهر الاعلامي أسامة كمال عبر برنامجه المذاع عبر صفحته على الفيس بوك والانترنت مع أسامة
كمال مطالبا الشعب المصرى بالحذر من خطورة مايحدث فى ظل انتشار فيروس كورونا قائلا أنا خايف من
الهجوم على رجال الأعمال لأن دة بيدق اسفين في المجتمع، خايف برضه من اللي بيقولوا حظر كامل
من غير ما يراعوا الغلابة اللي متوسمين فيك الفهم لما يلاقوك بتقول لازم حظر كامل وانت ماشي
بعربيتك في الشارع فتحصل لا مبالاة أكبر بنظرية ماهي بايظة بايظة.
وأضاف كمال اليومين دول اي كلمة هنقولها لازم تكون في ميزان من ذهب قبل ما نتكلم
واما عن الصين فقال اوعى تقول الصين قفلت ووهان.. هتعرف تودي لكل اسرة اكلها على باب البيت
كل يوم؟ ولا تقول دبي الناس بتنزل السوبر ماركت بالاذن من على الواتس آب، الناس في تفاهنا
العزب هياخدوا الاذن من مين عشان يروحوا انهو سوبر ماركت.. عندك نمر تليفونات السكان؟ على انهو
سيستم؟
وأضاف كمال تعال نتخيل نفسنا بعد شهرين من الاغلاق الكامل: المزارع واقفة، مافيش سوق خضار
ولا فراخ ولا لحمة من شهرين.. بتطبخ في البيت؟ بتطبخ ايه وبقالنا شهرين مفيش سوق تشتري منه
حتى خضار ومفيش مصانع من شهرين، مستورد؟
وتساءل كمال من شهرين قافلين ومادخلش مصر كرتونة أي حاجة.. طب عيش حاف؟ مفيش حتى
عربية تنقل نقلة قمح من شهرين. طب نعمل ايه؟
مشيرا إلى أن القرارات لو كانت سهلة ما كانش حد غلب.. اللي يقدر ما ينزلش، يا ريت ما ينزلش
والمضطر أهو بيركب الصعب.. بيركب توك توك اللي بقى بيحمل 7 لازقين في بعض بدل 3 عشان اليوم قصير.. كلنا في ظروف استثنائية..
وأضاف جالي رسالة من صاحب سلسلة كافيهات، مش عارف يقبض عماله.. ماقدرتش أرد.. أقول له
ايه؟ شدة وتزول؟ إن شاء الله تزول، بس صاحب المكان عايز الايجار والعامل عايز أقل حاجة.. احكيلك
الأمريكان بيعملوا ايه؟ بيتحايلوا ازاي؟
كتير منهم بيتفق مع صاحب الشغل يمشي وياخد التعويض من الحكومة والاعانة ولما الدنيا ترجع
صاحب الشغل يرجعه.. احتيال؟ آه.. نصب ع الحكومة؟ آي نعم.. ودول الأمريكان.
