التكنولوجيا وأخبارها بوابة مصر لأخبار تكنولوجيا المعلومات والإتصالات
تحدث الاعلام أسامة كمال عن ذكرى العاشر من رمضن خلال برنامجه ” مع أسامة كمال والذى
يعرض عبر صفحته الشخصية واليوتيوب اليوم الأحد قائلا ذكرى العاشر من رمضان السنة
دي مش زي أي سنة.. فجر 10 رمضان السنة دي الجيش والشرطة بيطهروا سيناء من فلول
الارهاب، زي ما أباءهم طهروها من الصهاينة.. اسمع من أبطال الحرب على أسرائيل
لأول مرة ازاي اتغلبوا على موانع خط بارليف واسمع من أبطال الحرب ع الارهاب
وأضاف كمال الحادث الارهابي الأخير في بئر العبد هزنا من جوة، هز الكل.. ليه هزنا بالشكل دة؟
لأننا بقى لنا شهور ماسمعناش عن عملية ارهابية ن لأن ولادنا تمكنوا من الأرض والجماعات اياها
تراجعت.. فلما حصل، اتهزينا قوي.
وقال كمال نوبة صحيان إن أعداءنا بيحاولوا ومش بس كورونا هي العدو.. رحم الله الشهداء الأبطال
ورحم الله الأبطال اللي طول الوقت في المواجهة
تعالوا نفتكر بطولات أباءنا سنة 1393 هجرية والنهاردة ذكراها وزي دلوقتي الجنود كانوا ع الجبهة
بيتسابقوا مين يعدي الأول ومين يوصل الأول ومين يرفع العلم ومين يحميه..
وتساءل كمال كام جهة في مصر بتقاتل الارهاب والتطرف؟ كام منظمة مجتمع مدني؟ كام حزب؟
كام وزارة؟ كام مؤسسة؟ كام قناة تليفزيون؟
هل القضية قضية ارهاب؟ وللا قضية بناء؟ وللا قضية تعليم وصحة؟ وللا قضية وعي وثقافة؟
وللا وللا.. وكل واحدة بتودي للتانية.. قتل الارهابي مهم زي قتل الحشرات الضارة،
لكن الأهم من قتل البعوض تجفيف المستنقع.. قتل الارهاب نفسه..
