التكنولوجيا وأخبارها بوابة مصر لأخبار تكنولوجيا المعلومات والإتصالات
بدأ الإعلامي أسامة كمال حلقته الثامنة من برنامج ” مع أسامة كمال ” والمذاع عبر صفحته الشخصية واليوتيوب ,
بالتقويم الهجري ولو انت بتشوف الحلقة في موعد إذاعتها على الهواء الساعة 1 ظهراً يبقى كمان
ساعة من دلوقتي تمر 48 سنة على ذكرى يوم 10 رمضان سنة 1393 هجرياً
وأضاف كمال زي النهاردة اللي كانوا اتولدوا وعايشين كانوا في شغلهم وراجعين على بيوتهم عشان
الفطار كان بعدها بكام ساعة، لما الاذاعة اعلنت ان القوات المسلحة المصرية بتعبر القنال وبتحرر الأرض
وناس حياتها اليومية البسيطة دايرة ورجالة في سيناء بيحاربوا لحد النصر أو الشهادة..
رجال صدقوا ما عاهدوا الله عليه، فَمِنْهُم مَّن قَضَىٰ نَحْبَهُ وَمِنْهُم مَّن يَنتَظِرُ، وَمَا بَدَّلُوا تَبْدِيلًا..
وأضاف كمال أنا معاكم في الذكرى العظيمة دي في تاريخ مصر، في اللحظة العظيمة اللي كانت
نفوس الرجالة بتشحذ على الجبهة.. كان بيدور في نفوس الظباط والجنود مشاعر كتير، عزم وقوة
وقناعة انه لا يصح الا الصحيح، ومهما كانت النتايج فدة اللي لازم يتم.
وأضاف كمال أكيد كل واحد فيهم كان عارف إن مافيش واحد من الـ 37 مليون مصري الا لما دعاءه
هيوصل للسماء في الصيام والقيام والسجود.. اعتمادهم كان على الله وعلى عزمهم ودعاء كل
المصريين ويمكن كل العرب..
وتناول كمال حادث بئر العبد الارهابي قائلا ما أشبه اليوم بالبارحة، رجالة على الضفة التانية من القناة، في رباط على الأرض المقدسة، ماحدش فيهم في قلبه شك إن دعوات الـ 100 مليون معاه، وقلوب أمهاتهم وأباءهم في كل دقيقة معاه..
وتساءل كمال هل حد عنده شك إن الأرض كان لازم تتحرر سنة 1393؟ وبالتالي حد عنده شك إن
الأرض لازم تتطهر سنة 1441؟ هل الأرض اللي اتطهرت من الصهاينة المحتلين ينفع تتساب يسيطر
عليها غوغاء من كل الجنسيات حتى لو كان بينهم خونة مصريين..
معركة 1393 كانت معركة شرف وأرض ومعركة 1441 معركة شرف وأرض.. منتهى الإهانة إن أرضك
يحتلها حد مهما كانت ديانته يهودي أو مسيحي أو مسلم، واحد ادى نفسه حق مش حقه، وماعرفش
قيمة التراب واللي تحت التراب.
وتحدث كمال عن حرب أكتوبر 73 قائلا مش هحكيلك عن 10 رمضان من 48 سنة لأنك لو ماتعرفش لحد
النهاردة حتى لو كان عمرك 10 سنين بس، يبقى مش مهم تعرف، لأنك غالباً خالف تعرف..
من يومين افتكرت حواري مع حمزة ابن الشهيد أحمد منسي ونشرته على صفحتي فاستقبله الناس
بترحم على الشهيد وكل الشهدا، لكن شذ عن القاعدة واحد وللا اتنين، منهم واحد قال لي هم دول
الشهداء بس؟ فيه شهداء للفقر والجهل والمرض.. كلام مغلف بسكر وصعبانيات من الناس اياهم
